I ftuar sot në “Opinion” ka qenë Komisioneri për Mbrojtjen e të Dhënave Personale Besnik Dervishi.
Gjatë fjalës së tij Dervishi është shprehur se pranë zyrës së Komisionerit nuk ka patur asnjë ankesë për publikimin e të dhënave të tyre.
Besnik Dervishi: Meqë jemi në fushatë zgjedhore kjo është e parashikuar me ligjin e kodit zgjedhor, ku parashikon që çdo subjekt politik të ketë listën e zgjedhësve.
Në rastin konkret deri sa kjo nuk është e pasashikuar me ligj, nëse vërtetohet që nuk është dhe pëlqimi i subjektit kemi të bëjmë me një përpunim jo të ligjshëm të të dhënave personale.
Blendi Fevzi: Ju keni pyetur, keni bërë investigim, ka ndonjë akesë?
Besnik Dervishi: Deri më sot nuk ka patur asnjë ankesë
Blendi Fevzi: Si asnjë ankesë?
Besnik Dervishi: Në zyrën e Komisionerit nuk ka asnjë ankesë të regjistruar, mund të vini që nesër ta shikoni.
Zyra e Komisonerit përveç trajtimit të ankesave ka dhe një mundësi tjetër që të filloj një shqyrtim administrativ. Duke marr parasysh sensibilitetin e ngjarjes ne e kemi nisur një shqyrtim administrativ dhe hetimin administrative që javën e kaluar për disa kontrollues që mendojmë se janë dhe administrator. /Opinion.al
