Përballë krizës në Ukrainë, Këshilli i Sigurimit i OKB-së vendosi me 11 vota pro, një kundër (Rusia) dhe 3 abstenime (përfshirë Kinën) të thërrasë një sesion të rrallë të posaçëm urgjent të Asamblesë së Përgjithshme, një veprim që është kryer vetëm shtatë herë në histori, e fundit prej të cilave ishte në vitin 1982.
Mbledhja e Kuvendit do të mbahet brenda njëzet e katër orëve të ardhshme. Lidhur me këtë miratim, ka reaguar edhe Ministrja për Punët e Jashtme dhe Europën Olta Xhaçka, e cila shprehet: “Miratim i fuqishëm i rezolutës së propozuar nga Shqipëria dhe SHBA. Sesioni Special i Emergjencës i Asamblesë së Përgjithshme të Kombeve të Bashkuara u mbështet nga 11 anëtarë të OKB-së. Edhe një herë Rusia u izolua. Bota nuk do të heshtë”./Opinion.al
