Nga Alba Huta
Në qytet shiten karaktere.
Diku më lirë,
diku, ato të rëndomtët
zgjasin duart për pak mëshirë,
sepse fati është treguar i lig me to.
Në qytet shiten karaktere.
Vendet e caktuara për shitje
janë minuar me dyshimet frojdiane,
fëmijë apo i rritur qoftë.
Krizat ndërsejnë politikën
dhe pjella gjeneron veten mbi triumf.
Në qytet shiten karaktere
njerëzish të pastrehë,
që janë të lirë,
në vetëdijen e shkelur
prej robërve të luksit
dhe strehën e tyre e vunë ne ankand
për ca lekë bamirësie.
Titujt e nderit do t”i marrin në varr.
Në qytet po shiten karaktere
pa lajmërim, se edhe ato kushtojnë…
A.Huta
