“Rusia nuk do të kthehet në kryerjen e testeve bërthamore nëse SHBA-ja nuk i kryen ato më parë”.
Kështu u shpreh Dmitry Glukhov, një anëtar i misionit të përhershëm rus në OKB, në një takim të Asamblesë së Përgjithshme të OKB-së, shkruan Tass.
“Dëshirojmë gjithashtu të theksojmë se duhet të merret parasysh deklarata e presidentit rus, Vladimir Putin, e cila u përmend sot nga disa delegacione, për mundësinë hipotetike të rifillimit të testimit bërthamor nga vendi ynë që ai bëri gjatë fjalimit të tij në Asamblenë Federale Ruse.
Ky është një sinjal parandalues për Uashingtonin. Ne nuk do t’i drejtohemi këtij hapi nëse Shtetet e Bashkuara nuk e bëjnë atë fillimisht”, tha ai në takimin kushtuar Dita Ndërkombëtare Kundër Testeve Bërthamore.
360grade.al
