Katari po ndërmjetëson që Hamasi të lirojë gratë, fëmijët dhe të moshuarit që po mbajnë peng pasi nisi një sulm në Izraelin jugor rreth një javë më parë, sipas Times of Israel.
Hamasi, i përfaqësuar në bisedime nga lideri i tij jashtë vendit, Ismail Haniyeh, fillimisht tha në Katar se ishte i gatshëm t’i lironte pengjet në këmbim që Izraeli të lironte 36 të burgosura palestineze femra dhe adoleshente të mbajtura në burgjet izraelite.
Sipas botimit, propozimi nuk u pranua nga Izraeli, i cili është fokusuar kryesisht në avancimin e fushatës së tij ushtarake për eliminimin e Hamasit. Pavarësisht refuzimit të Izraelit, bisedimet e ndërmjetësuara nga Katari po vazhdojnë.
Një burim i njohur me negociatat i tha The Times of Israel se disa në Hamas pranojnë se marrja peng e grave, fëmijëve dhe të moshuarve i ka dhënë Izraelit më shumë legjitimitet ndërkombëtar për të zgjeruar masivisht fushatën e tij ushtarake kundër grupit islamik.
360grade.al
