Duke pritur Festival di Sanremo 📺 🎼 🎧n🎹 🎻
👩🎤🎼🧑🏻🎤🎧 🎹🎙
nga Adela Kolea
“Orietta Berti, këngëtare ikonë e muzikës italiane të viteve ’60-’70 por, gjithnjë aktuale edhe me interpretime të reja apo me bashkëpunime me artistë të rinj bashkëkohorë, që ka përfshirë tre breza…”
Kënga e saj e njohur thotë:
“Finché la barca va, lasciala andare…!” – “Derisa barka funksionon, lëre të shkojë…!” dhe duket ky, lejtmotiv edhe i jetës së saj e karrierës 60-vjeçare.
Orietta Berti i përket brezit të këngëtarëve italianë, që muzikën e kompozoi dhe interpretoi me pasion e talent të mirëfilltë, larg trajtimit komercial aktual.
Si temperament, e butë, ironike dhe karizmatike.
Orietta qe martuar më 1967-ën dhe dasma e saj qe transmetuar në Tv.
Mirëpo, bashkëshorti i saj, Osvaldo, qe emocionuar aq shumë, sa që s’kishte arritur dot të shqiptonte “Po!”- në e ritualit.
Atëherë, Albano, i ftuar në dasmë, kishte imituar në Tv zërin e Osvaldos, burrit të Orietës e kishte thënë “Po!” në vend të tij.
➡️Në familjen e Orietës kanë një zakon të çuditshëm lidhur me onomastikën.
Çdo pjesëtar i familjes së tyre, me të mitur e të rritur, deri edhe qentë e tyre, duhet të kenë ekskluzivisht emra me germë inicjale “O”!
Ajo vetë pra: Orietta.
Bashkëshorti: Osvaldo.
Djali: Otis.
Djali tjetër: Omar
Mbesa e parë: Olivia
Mbesa e dytë: Ottavia
Gjyshi: Oreste
Gjyshja: Odilla
Nëna e Orietës: Olga
Qeni: Otello
Qeni – kone: Olimpia. 😃
