Kryeministri i Kosovës, Albin Kurti, ka zhvilluar sot një takim me Ambasadorin e Francës në Kosovë, Olivier Guerot.
Për këtë takim ka njoftuar zyra e kryeministrit Kurti të mërkurën teksa bëhet me dije se është diskutuar edhe për takimin e nivelit të lartë mes Kosovës dhe Serbisë që do të mbahet nesër në Bruksel.
“Ambasadori Guerot e uroi Kryeministrin për kandidaturën e suksesshme për organizimin e Lojërave Mesdhetare 2030 dhe ofroi ndihmën dhe përvojën e Francës nga organizimi i këtyre lojërave në vitin 1993. Kryeministri e mirëpriti gatishmërinë e Francës për mbështetje dhe tha që ne synojmë të mësojmë nga Franca dhe të bashkëpunojmë për organizim sa më të mirë. Në takim u diskutua edhe për marrëdhëniet bilaterale, çështjet aktuale dhe për takimin e nesërm të nivelit të lartë në Bruksel, pritjet nga ai takim dhe për rëndësinë e zbatimit të plotë, të shpejt dhe pa kushte të Marrëveshjes Bazike dhe Aneksit të saj”, thuhet në njoftim.
360grade.al
